Ano ang Epekto ng Quarantine sa Mamamayang Pilipino

       

         Napakalaking dako sa kabuhayan nag bawat Pilipino ang pagkakaroon ng Covid-19. Marami sa kapwa nating Pilipino ang hanggang ngayo'y patuloy pa ring umaasa sa tulong ng gobyerno mula pa lamang ng idineklara ang pagpapatupad ng Quarantine sa bansa. Halos magdadalawang buwan na simula ng ipatupad ito at marami sa atin ang lubos na naapektuhan nito. Iba't-ibang kabuhayan din ang nagkukumahog at umaasang makakabangon muli katulad na lamang ng industriya ng turismo. Ang iba ay nawalan ng trabaho at hanggang ngayo'y hindi alam kung paano makakabawi muli.

        Ano nga ba ang tunay na epekto nito sa atin bilang tao? Ang labis na pag-iisip ay nakakaapekto ng lubos sa kalusugan ng tao tulad halimbawa ng mga ganitong senaryo ng buhay. Makakadagdag sa alalahanin o tinatawag na "stress". Ang stress na ito ay isa sa nagpapabagsak sa kalusugan ng tao. Hindi lamang pisikal kundi maging emosyonal. Ang epekto ng quarantine ay hindi lamang sa pagbagsak ng ekonomiya kundi pari na rin ang pagbagsak ng abilidad ng isang indibidwal.

       Sa kabilang banda, may maganda ring naidudulot ito. Nagkakaroon ng mahabang oras ang pamilya. Naibabalik ang komunikasyong nawala sapagkat noon bihira lamang magsama-sama. Nagiging makabuluhan ang bawat araw. Malayo sa nakasanayan.